قصيدة للشاعر رده أبو صدف الثبيتي

القصيدة للشاعر ردة ابو صدف أتمنى تعجبكم وتحوز على اعجابكم

الاوله ذكر الله اللـي نبديـه قبل الكلام اللى نقوله ونبنيـه
قاف بنيته وافتكر في معانيـه من عادة الشاعر ليا زان معناه

يغني ليا قالوا تعيش الرجالي

واليوم يالشعـار لا تنقدونـي اليا حصل فالهرج عال ودوني
والهرج للشاعر لابده يهونـي ولا عمر فيها مكاتل ومسحاه

وشي فالثمر مكسب وشي راس مالي

ان كان رده قال قولـه وسامـه لا تلحقونه في كلامـه ملامـه
من حلمه اللى زروعه من منامه والله ليا منه نوى حـال مضـاه

حمدناك ياربي رفيع الجلالي

هجعت تال الليل هجعـه قليلـه وليا ان راع الصوره اللى جميله
مقبل عليـه وبشـراب يشيلـه وبكاسـة بيضا جديـده بيمنـاه

وصب وسقاني لين كرم سبالي

يقول يـارده ترانـي نصيتـك بعد بلاني شوق قلبـي بليتـك
اعز ما به يوم جيت ولقيتـك اشرب وخذ مطلوبك اللى تمناه

وليلتك هذى من طياب الليالي

وقلت ياسيدى دخيلك من ايـات وش عرفك بيتي وهو بين الابيات
واحس في قلبي سوات الوريات والباب مقفل كيف تقـدر تعـداه

وانا اظن مانته من عيال الحلالي

قالت لي انته ليس قلبـك رقيقـي ما شي خلاف ولا تخف يا رفيقي
البيت بيتـك والغريـر الشفيقـي وصل وتحت الامر ماظنى اعصاه

وانا منزلى فاعلا عسير الجبالى

وقلت ما اقدر دوري ناس غيري هـذا كـلام عندنـا مايسيـري
ان كان قلبي مهتوي له عشيري بكره طلوع الشمس نسرح ونلقاه

منقيه فارض الله يمين وشمالي

قالت لى اثن الروح ثنى الغصايب بعد حديـت وحدنـى للنشايـب
انا قتيلة ود مـن غيـر صايـب قلب الخطا يا رده النار تصـلاه

وخليتها تشعل على اشتعالي

قلت هذا كلام مالنا فيه مصلـوح اما ذهاب المال والا اذهب الروح
وليا بدا للناس راعيـه مفضـوح والله شديد اعقـاب للـى تهمقـاه

ولا يدخل الجنه خبيث العمالي

قالت لي انته ليش عقلك صخيفي امرار اورا فيك وامرار اعيفـي
قلبي هوالك وانت ماانته شريفي والليل طال وعلمنا مـا قطعنـاه

وانا ارخصت لك فيما تبا وانت غالي

قلت هذا كلام مالنا فيه فـاده والود ما يخر على اهله سعاده
والنار ماتخر يكـود الرمـاده وانتي نسيتي ما يلمك مـع الله

ولا واشيوبك تحت جرف هيالي

قالت لي اثرك من قلال المروه والا هتيل ازنود ما فيـك قـوه
واللاش ماسر العرب مات ضوه زند عمى وازنود نيران موشـاه

وش احوجك للزوكه ولبس العقالي

قلت هذا لبس ابوي وجـدي اضحك بعقلك ماتبيحين سدي
وانا سوات الجائز اللى معدي واللا سباع بالفرائس مضراه

تجيب العشاء لو كان من فج خالي

قالت لبست الزين لاجل المزايين امعكفات اشعوفهـن بالرياحيـن
وهذي عوايد للعيـال المتاقيـن اللى يطونه طيب الربـع ناطـاه

وروس تغط وروس دايم طوالي

وقلت غيرك فالعرب شي هواوي لكن ماقلبـي لـذا العلـم نـاوى
لحيث انا راعي بـلاد وشقـاوي والـود ماكـل يقيسـه ويقـواه

يبا فاضي الاطراف ما يسالي

قالت لي اسرح في بلادك وشانك وانا اتعنـى يارفيقـي عشانـك
الغيض لقليب الخطا والرضا لك يجي حبيبك حيث ماكنت تبغـاه

وانا ما نشدت اعن الصبا والعوالي

قلت انا كثير المزبين القبائل يقولون رده من رجال الدلايل
واليوم عود في قبيح الفعايـل عزالله انه ولد ربـع مسمـاه

هل المعروف واهل الكرم فالحلالي

قالت الود ماعاب الملوك المناعير اهل السيوف العقف حمر النواطير
وهذي من المولى علينـا تدابيـر والود خلانا كما العـود والحـاه

ولا نقدوا فيه أهل عقف السلالي

فكرت وليا كني اعمى بصيره من واحد جاني على غير سيره
ان كان قفا وين ابا القى نظيره عيب الومه والا عيوب مخلاه

وبكره يبا يلقى رجال بدالي

وضميت مضنوني ضميـم الوكايـد ولا غير ذرعـان الوليـف وسايـد
والليـل طـال ولالنـا بالعـدايـد لو كان اعد الوصف لاشك ابا اغواه

يشادي لمبدا الصبح واللا الهلالي

وصفت سيدي وصف ماني بغاويه ينهب قلوب العاشقيـن ابتحاليـه
والماس والفضه تواشـا باياديـه والجعد لو ينشر على الجسم غطاه

ولا قط غصنه مع هل الغي مالي

اجنوبه اللي كنها الخيزراني اليا تثنى في يميني ولا نـي
اديب لى ماني على الله بكاني نجم السعد قبله يسير ويبـراه

وظنيت في معقولى انه حلالي

وأنا اتفكر وافتكر وين أوديـه والناس ما باها تحق النظر فيه
واللا وحس النجر فالدار نوحيه وانه وتال العهد به وين مغـداه

واليا اني فيا المجلس مشلا لحالي

أعوذ بالله من كثـر البـلاوي هذا كلام صدق واللا هـزاوي
واليا مشلا مسدحي والتكـاوي والبيت خالي من محله ومرساه

وهذى قصة حلمي اللي جرالي

بغيت أسير له ونادي في هل السوق من كثر ما في خاطري له من شوق
واقول مالي راح يانـاس مسـروق واللي يجينى بخبـره ياخـذ امنـاه

ابا اعطيه من مالي بليا كيالي

بغيت اسير فالدير واطرح اذمـار واغير الديره والاقطـار باقطـار
من كثر مافي خاطري له من افكار لين اجده والا العمر ياصل اقصاه

وهذاك عذري منك ياشف بالي

عودت أعذر في كثير المعاني من ذلكم ياهل العقول الرزاني
لولا ليا ضقت اتهيض لساني ليبين شيبي قبل وصله ومبداه

ولكن ربي مطلع كل حالي

واختم بذكر الله وذكر الحبيبي يا الله تهون كل امر صعيبـي
ويا الله أنا طالبك تبدي نصيب ييا واحد ما خاب حي ترجـاه

وفالطاعه اجعل خدمتي واشتغالي

» هذه قصيدة للشاعر //محمد بن تويم الثبيتي رحمه الله تعالى
» مطلق الثبيتي وشليويح المطيري
» مطلق الثبيتي وعبدالملك المنصوري '' في محاوره 'قديم