|
بعض العرب لو غاب يوجع غيابه
|
وبعض العرب في غيبته طب الاوجاع
|
وبعض العرب لو غاب ماحد درابه
|
وبعض العرب في غيبته كل شي ضاع
|
غلطان من قال الاوادم تشابه
|
كل وله طبع على النفس طبّاع
|
البعض هفهاف سريع التهابه
|
في اول المشوار ياسرع ماماع
|
والبعض حيد مرسي يلتجا به
|
زيزوم في وقت الملمات فزاع
|
والبعض قرم فارس ينتخى به
|
والبعض عن فعل المعاريف منّاع
|
ورجل بدرب العز يشعب ركابه
|
ورجل على درب الدنيّات مطواع
|
ورجل من اهل الطيب واهل الطيابه
|
ورجل بطبع الخبث والكذب طماع
|
ورجل ببحر العرف زايد نصابه
|
صقر وله في كل مرقاب ميقاع
|
ورجل مايعرف صقرها من غرابه
|
واذا شريته ياهل المعرفه باع
|
ورجل بماله للكرم ماصخا به
|
مايفرح المسكين ولا الذي جاع
|
ورجل يتقلب صدق مايندرى به
|
مرة على القمه ومرة على القاع
|
وبعض العرب درب السنع مامشى به
|
وله في شقا ابليس شتوة ومرباع
|
ورجل ليل عزّم على علم جابه
|
فعله يسرك كل نزله ومطلاع
|
ورجل يعلّك في سؤال واجابه
|
يضيع وقتك في تفاصيل واقناع
|
ورجل ليا جاه الطلب واعذابه
|
يمسي ويصبح بين ولوال وافجاع
|
ورجل قبل يهرج خصومه تهابه
|
مشهور عن هرج السفاسيف رفّاع
|
ورجّال سلبي مثل بيت الخرابه
|
من وين ماسار المخاليق تبّاع
|
ورجل بقلبه حقد وجهه غضابه
|
عسى يروح بدرب مافيه مرجاع
|
ورجل ليا شفته تجيك الكآبه
|
وجهه به الالوان اشكال وانواع
|
ورجل يشب النار بين القرابه
|
لاهو الذي مصلح ولا هو بفرّاع
|
ينشر سمومه دون خوف ومهابه
|
واذا نصحته ماهو للنصح سماع
|
ورجّال ضيع شيبته مع شبابه
|
غافل لرب الكون والناس ماطاع
|
ياويل مثله يوم يحضر كتابه
|
إلا يتوب وتعتدل كل الاوضاع
|
راحت حياة الناس مثل النهابه
|
مثل الرعيه سايرة مالها راع
|
وإن جيت تسأل مالقيت الاجابه
|
مركب مسافر دون مجداف وشراع
|
يالله يامنزل هميل السحابه
|
ياللي قريب سامع دعوة الداع
|
ياقاسم للعبد زاد وشرابه
|
ومقدر الارزاق بالمد والصاع
|
ترحم وتغفر قبل يوم النشابه
|
من دون عفوك كلنا ظمي وجياع
|
وصلوا على طه زعيم الصحابه
|
الأحد 05 مارس 2017, 11:11 pm من طرف ابوخالد
موضوع: من الشعر (بعض العرب) 