ابوخالد
 |  موضوع: من قصائد محمد بن تويم رحمه الله  الثلاثاء 11 أكتوبر 2011, 12:39 am | |
|
رائعة من روائع محمد ابن تويم رحمه الله000
سيري على وضح النقاء يا مثايلي
كما تسيـر الخيـل فـي الميـدان
ماهيب خيـلٍ عاريـاتٍ ظهورهـا
خيـل ٍ علاهـا لابـةٍ فـرسـان
هذي قوانيـن الحـروب القديمـة
قوات كانـت مـع فـلان وفـلان
واليـوم جانـا غيـراتٍ بدالـهـا
سبحان من هو كل يوم في شـأن
عشنا مع العالـم ورحنـا وجينـا
وأسماعنا تشهد علـى الأعيـان
شفنا المصايب والمهمـات كلهـا
والروس مصدرهـا والأمريكـان
داسوا خطوط الجـو والبروالبحـر
والمسلميـن بـقـوة الأيـمـان
يسبحـون الله سـر وعلانـيـة
حـق ٍ علانـا نعبـد الرحـمـن
والأرض نعرف شرقها من شمالها
ذلول ٍ ذكرهـا الله فـي القـرآن
أيضا ونعرف غربها من جنوبهـا
عرف ٍ يحجـج غايـة الأنسـان
كلٍ قنع بأرضه وكل ٍ رضـي بهـا
وأنا قنـوع ٍ بأرضـي وربحـان
وين الديار اللي تواسـي ديارنـا
سقية ربوعك يا أحسن الأوطـان
فيـك المدينـة طيبـة ٍ المنـورة
كثـيـرة الــزوار والسـكـان
سكـن بهـا نبينـا والصحـابـة
وعاشوا بها في ماضي الأزمـان
أيضاً ومكة فيك والبيـت الحـرم
رفيـع المقـام وشامـخ البنيـان
عريضٍ طويل وبالمصلين يزدحـم
وزمزم تـزم وتـروي العطشـان
أيضا وفيك الطايف أحسن منطقـة
وفيك الهدا تشرف علـى نعمـان
بيروتنا الطايف ولبناننـا الهـدى
لا فرق مابيـن الهـدى ولبنـان
أيضا وفيك العاصمـة يـا بلادنـا
جزيـرة ٍ حكامـهـا شجـعـان
سيري بركبك يا الرياض وتطوري
في ظل دولـة مسلميـن أخـوان
دولة سعوديـة تساعـد شعوبهـا
وموفقـة للـعـدل والأحـسـان
تحكم بشرع الله وسنـة رسولـه
رغم ٍ على أهل الـزور والبهتـان
أبا أمدح الأحرار من طيـب نيتـي
والصدق بيّـن والدليـل برهـان
ليس ان مدحي للنشامـا مجاملـة
يستاهلـون المـدح مهمـا كـان
والجيش له واجب وحـق ٍ عليـه
قـيّـاده وضبـاطـه الظـفـران
وجنوده اللي رهن عين الأشـارة
أبنـاء وطنّـا فرحـة الصدقـان
نشكرك يا قواتنـا يـا المسلحـة
يا درعنا الواقـي مـن العـدوان
أنتم سراحين الغـداري نمورهـا
وأنتـم أسـود ٍ تحمـي الحـدان
نار ٍ اليا اشتبـت واليـا تحركـت
لهيبـهـا يفـجـر الصـفـيـان
والراسيات مـن الجبـال يهدهـا
ووحوشها تجفـل مـن الشعبـان
يقوله ابن تويم من هيض خاطـره
يا سامـع الطـاروق والألحـان
أنا عدلت القلب عن شلة الهـوى
مالـي ومـال مطـارد الغـزلان
واللي بعد غصنه يلاعـب هبايبـه
لعبت عـلاه النفـس والشيطـان
ويقول نحـو السيـدات العـذارى
قول ٍ هذا نصـه مـن الفُسقـان
يا أبو جدايـل كاسيـات ٍ متونـك
ويا أبو نهود ٍ أصغر من الرمـان
ويا أبو عيون ٍ يوم ترمـز بهنـه
تطلق صواريخ ٍ علـى العشقـان
ويا أبو ثمان ٍ يوم تضحـك بهنـه
سـوات بـرق ٍ لاح بـالأمـزان
ويا أبو شفيات ٍ طعـم عسلهنـه
في ربع ساعة يشفـي الوجعـان
هـذي هـروج ٍ مالهـا قابليّـه
نسمع بها مـن جانـب العربـان
حـي ٍ يسجلهـا وحـي ٍ يذيعهـا
وحـي ٍ علاهـا يقفـل البيـبـان
أبا أنصح الشعار فـي كـل ديـرة
نصيحة ٍ فـي صالـح الغشمـان
كتبت فـي طياتهـا مـا يسرهـم
علم لهم يـا الطرقـي العجـلان
اليا بغـوا بـدع المثايـل وردهـا
نظم الشعر ما هو حكي ورعـان
والمدح في بعض المعاني سماجة
يا شينهـا يـا حـر يـا شيهـان
نعرف خطى البندق ونعرف صوابها
ونركـب الحبـة علـى النيشـان
وان كثرت الأهداف نرمي بعيدهـا
رمـي ٍ يخلـي روسهـا طشـان
قلته من هجوس ٍ مجود اعنانهـا
أدرى لسانـي واللسـان حصـان
عقلي مساعدني وفكـري يدلنـي
والهرج فضـة والذهـب سكتـان
يا أهل العقول الزاكية سامحونـي
لن كان مالـت شوكـة الميـزان
تمت وصلى الله على سيد البشـر
أعداد ما أمطـر حايـز الرجعـان[ندعوك للتسجيل في المنتدى أو التعريف بنفسك لمعاينة هذه الصورة] | |
|
